70410105 — Монополияга қарши бошқарув ва рақобатни ривожлантириш магистратура дастури рақобат сиёсати, монополияга қарши тартибга солиш, бозор устуворлиги, рақобат иқтисодиёти ва замонавий маълумотлар таҳлили бўйича юқори малакали мутахассисларни тайёрлашга қаратилган.
Дастур иқтисодиёт, ҳуқуқ, давлат сиёсати, стратегик бошқарув ва маълумотлар таҳлилини бирлаштирган ҳолда рақобат муҳитини шакллантириш ва бозорларни самарали тартибга солиш масалаларини чуқур ўрганади.
Асосий фанлар
01 — Рақобат ва бозор устуворлиги қонуни ва иқтисодиёти
Рақобат муҳитини, бозор устуворлигини ва монополиялашув жараёнларини иқтисодий ва ҳуқуқий жиҳатдан таҳлил қилиш.
02 — Монополияга қарши бошқарув
Монополияга қарши тартибга солиш механизмлари, бозорларни назорат қилиш ва рақобатни ҳимоя қилиш сиёсатини ўрганиш.
03 — Рақобат иқтисодиёти ва ўйин назарияси
Бозор иштирокчилари стратегик хатти-ҳаракатларини, рақобат моделларини ва ўйин назарияси асосида қарорларни таҳлил қилиш.
04 — Монополияга қарши бошқарувда маълумотлар таҳлили
Бозор маълумотларини таҳлил қилиш, монополиялашув ва рақобат кўрсаткичларини баҳолаш учун замонавий аналитик воситалардан фойдаланиш.
05 — Хорижий мамлакатлар монополияга қарши сиёсати
Турли мамлакатларнинг антимонополия сиёсати, рақобатни тартибга солиш механизмлари ва халқаро тажрибаларни ўрганиш.
06 — Рақобат қонунлари ва иқтисодиёт: ҳозирги муаммолар
Замонавий рақобат сиёсатидаги долзарб муаммолар, ҳуқуқий тартибга солиш ва иқтисодий таҳлил масалаларини ўрганиш.
Қўшимча фанлар
- Хулқ-атвор иқтисодиёти ва давлат сиёсати
- Монополияга қарши бошқарув ва рақобатнинг институтсионал асослари
- Янги стратегия ва рақобатдошлик
- Биг Дата таҳлиллаш усуллари
- Давлатнинг иқтисодий хавфсизлиги
- Давлат секторида корпоратив бошқарув
- Корпоратив ижтимоий масъулият ва ESG
- Корпоратсияларда бирлашиш ва қўшилишлар
- Халқаро бизнес шартномалари
- Лидерлик ва ташкилий коммуникатсия
Сиз эгаллайдиган кўникмалар
Дастур битирувчилари:
- бозор ва рақобат муҳитини таҳлил қилиш;
- монополиялашув ва бозор устуворлигини баҳолаш;
- рақобат сиёсатини ишлаб чиқиш;
- монополияга қарши тартибга солиш механизмларини қўллаш;
- рақобат қонунчилигини иқтисодий жиҳатдан таҳлил қилиш;
- ўйин назариясидан фойдаланиш;
- Биг Дата ва бошқа аналитик воситалар орқали бозор маълумотларини таҳлил қилиш;
- давлат сиёсати ва рақобат муҳитининг ўзаро таъсирини баҳолаш
компетенсияларига эга бўладилар.
Карера имкониятлари
Битирувчилар рақобат ва монополияга қарши тартибга солиш органлари, давлат ташкилотлари, иқтисодий таҳлил марказлари, корпоратсиялар, консалтинг компаниялари, банк-молия ташкилотлари ва илмий-тадқиқот муассасаларида фаолият юритишлари мумкин.
Мумкин бўлган йўналишлар: рақобат сиёсати мутахассиси, антимонополия таҳлилчиси, иқтисодий таҳлилчи, давлат сиёсати бўйича мутахассис, бозор тадқиқотчиси, рақобат бўйича консултант ва тадқиқотчи.