Ta’lim va amaliyot integratsiyasi: soha mutaxassislari tajribasi

3 sentyabr kuni TDIU “Innovatsion menejment” kafedrasida professor-o‘qituvchilar uchun “To‘qimachilik sanoati korxonalarini boshqarishda zamonaviy tadqiqot kun tartibi: raqamli transformatsiya, barqaror rivojlanish va global raqobatbardoshlik” mavzusida trening o‘tkazildi.

Spiker — kafedra Hamkorlik kengashi a’zosi, “O‘zto‘qimachiliksanoat” uyushmasi raisi maslahatchisi, t.f.n. D.M. Muxamedova.

Treningda raqamli texnologiyalar, sun’iy intellekt, “yashil” ishlab chiqarish, xalqaro standartlar va milliy brendlarni jahon bozorida ilgari surish masalalari muhokama qilindi.

Shuningdek, to‘qimachilik korxonalarining global raqobatbardoshligini oshirish va mahsulotlarni diversifikatsiya qilish zarurligi ta’kidlandi.

Mazkur tadbir ta’lim, ilm-fan va ishlab chiqarish integratsiyasini mustahkamlashda muhim amaliy ahamiyat kasb etdi.