Tarixiy yo‘l
Kafedra tarixi va shakllanish bosqichlari
Toshkent davlat iqtisodiyot universitetida menejment yo‘nalishidagi kafedralarning shakllanishi va rivojlanishi 1989-yildan boshlangan bo‘lib, yillar davomida tashkiliy jihatdan takomillashib, bugungi “Innovatsion menejment” kafedrasining shakllanishiga olib kelgan.
Menejment va korporativ boshqaruv ta’lim maktabining shakllanishi ko‘p yillar davomida o‘z bilim va tajribasini ta’lim, ilmiy-tadqiqot hamda pedagogik faoliyatga bag‘ishlagan fidoyi professor-o‘qituvchilar mehnati bilan chambarchas bog‘liq.
Ushbu tarix — bu shunchaki kafedralarning qayta tashkil etilishi emas, balki avloddan-avlodga o‘tib kelayotgan ilmiy maktab, ustoz-shogird an’analari va menejment ta’limining shakllanish tarixidir. Har bir kafedra mudiri ushbu tarixning muayyan bosqichida o‘zining ilmiy, pedagogik va tashkiliy hissasi bilan bugungi “Innovatsion menejment” kafedrasi poydevorining mustahkamlanishiga xizmat qilgan.