70410801 — Menejment magistratura dasturi zamonaviy tashkilotlar va biznes tizimlarini strategik boshqarish, ilmiy tadqiqot olib borish va murakkab boshqaruv muammolariga innovatsion yechimlar ishlab chiqishga ixtisoslashgan.
Dastur menejment nazariyasini chuqur o‘rganish bilan birga, ilmiy tadqiqot metodologiyasi, strategik boshqaruv, biznes strategiyasi, innovatsion tadbirkorlik, sifat va raqobatbardoshlik, korporativ ijtimoiy mas’uliyat hamda zamonaviy ma’lumotlar tahlilini qamrab oladi.
Asosiy fanlar
01 — Tizimli menejment nazariyasi
Menejmentni yaxlit tizim sifatida o‘rganish va murakkab tashkilotlarda boshqaruv jarayonlarini tizimli tahlil qilish.
02 — Ilmiy tadqiqot metodologiyasi
Ilmiy muammoni shakllantirish, tadqiqot dizaynini ishlab chiqish, metodlarni tanlash va ilmiy natijalarni asoslash.
03 — Strategik boshqaruv
Tashkilotning raqobat muhitini baholash, strategiyalar ishlab chiqish va uzoq muddatli rivojlanishni boshqarish.
04 — Biznes strategiyasi
Biznesning raqobat ustunligini shakllantirish, strategik tanlovlarni amalga oshirish va biznes modelini rivojlantirish.
05 — Innovatsion menejment va tadbirkorlik
Innovatsion biznes modellarini, tadbirkorlik tashabbuslarini va innovatsion loyihalarni boshqarish.
06 — Sifat va raqobatbardoshlikni boshqarish
Tashkilot mahsulot va xizmatlari sifatini oshirish hamda raqobatbardoshlikni strategik boshqarish.
Bundan tashqari dasturda:
- Menejmentning tadqiqot usullari
- Ta’lim menejmenti
- Korporativ boshqaruv
- Taqqoslama menejment
- Ekonometrika
- Korporativ ijtimoiy mas’uliyat
- Tashkilotlarni boshqarish nazariyasi
- Ijro menejmenti
- Xulq-atvor iqtisodiyoti va davlat siyosati
- Big Data tahlillash usullari
Dastur shuningdek ilmiy-pedagogik ish va malaka amaliyoti, ilmiy tadqiqot hamda magistrlik dissertatsiyasini tayyorlashni o‘z ichiga oladi.
Siz egallaydigan ko‘nikmalar
- strategik boshqaruv;
- ilmiy tadqiqot olib borish;
- boshqaruv qarorlarini tahlil qilish;
- biznes strategiyalarini ishlab chiqish;
- innovatsion loyihalarni boshqarish;
- tashkilot samaradorligini baholash;
- raqobatbardoshlikni boshqarish;
- ma’lumotlarga asoslangan qarorlar qabul qilish.
Karyera
Bitiruvchilar yirik kompaniyalar, davlat tashkilotlari, konsalting kompaniyalari, ilmiy-tadqiqot va ta’lim muassasalari hamda xalqaro tashkilotlarda strategik menejer, biznes tahlilchi, loyiha rahbari, konsultant yoki tadqiqotchi sifatida faoliyat yuritishlari mumkin.