Тарихий йўл
Кафедра тарихи ва шаклланиш босқичлари
Тошкент давлат иқтисодиёт университетида менежмент йўналишидаги кафедраларнинг шаклланиши ва ривожланиши 1989-йилдан бошланган бўлиб, йиллар давомида ташкилий жиҳатдан такомиллашиб, бугунги “Инноватсион менежмент” кафедрасининг шаклланишига олиб келган.
Менежмент ва корпоратив бошқарув таълим мактабининг шаклланиши кўп йиллар давомида ўз билим ва тажрибасини таълим, илмий-тадқиқот ҳамда педагогик фаолиятга бағишлаган фидойи профессор-ўқитувчилар меҳнати билан чамбарчас боғлиқ.
Ушбу тарих — бу шунчаки кафедраларнинг қайта ташкил этилиши эмас, балки авлоддан-авлодга ўтиб келаётган илмий мактаб, устоз-шогирд анъаналари ва менежмент таълимининг шаклланиш тарихидир. Ҳар бир кафедра мудири ушбу тарихнинг муайян босқичида ўзининг илмий, педагогик ва ташкилий ҳиссаси билан бугунги “Инноватсион менежмент” кафедраси пойдеворининг мустаҳкамланишига хизмат қилган.